पुणे : चौथ्या औद्योगिक क्रांतीची नांदी सुरु झाली आहे. भविष्यातील आपले मनुष्यबळ केवळ डिजिटल युजर बनून न राहता डिजिटल मेकर बनावे यासाठी आजच्या विद्यार्थ्यांना डिजिटल कौशल्ये आत्मसात करण्यासाठी प्रोत्साहन देणे खूप महत्त्वाचे आहे. भविष्यासाठी तयार असलेले कुशल प्रतिभावंत निर्माण होण्याची सुरुवात शालेय स्तरापासूनच व्हावी हे उद्दिष्ट डोळ्यासमोर ठेवून, वी चा सीएसआर विभाग वी फाऊंडेशनने एरिक्सन इंडियाच्या सहयोगाने पुण्यातील पिंपरी-चिंचवडमधील सयाजीनाथ महाराज विद्यालय आणि ज्युनिअर कॉलेजमध्ये अत्याधुनिक रोबोटिक लॅब सुरु केली आहे.महाराष्ट्र, राजस्थान, मध्य प्रदेश, छत्तीसगढ, कर्नाटक आणि गुजरात या सहा राज्यांमध्ये मिळून दहा रोबोटिक लॅब्स तयार करण्याचे वी फाऊंडेशनने ठरवले आहे आणि त्यापैकी पहिली लॅब आज पुण्यात सुरु करण्यात आली.या डिजिटल लॅबचे औपचारिक उद्घाटन एरिक्सनचे व्हाईस प्रेसिडेंट आणि हेड ऑफ कस्टमर युनिट, वेस्ट इंडिया अमरजीत सिंग यांनी केले. यावेळी वोडाफोन आयडिया लिमिटेडचे क्लस्टर बिझनेस हेड - महाराष्ट्र व गोवा रोहित टंडन उपस्थित होते.यावेळी वी फाऊंडेशनने एका ग्रंथालयाचे देखील उद्घाटन केले आणि आपल्या व्यावसायिक प्रशिक्षण केंद्रातील निवडक विद्यार्थ्यांचा सत्कार केला.या डिजिटल लॅबमध्ये रोबोटिक किट्स, थ्रीडी प्रिंटर, लॅपटॉप्स आणि एक प्रोजेक्टर उपलब्ध करवून देण्यात आले आहेत. सहावी ते नववी च्या विद्यार्थ्यांना प्रोग्रामिंग आणि नवनवीन तंत्रज्ञानाच्या जगाचा पहिला अनुभव घेण्यात मदत करण्याच्या दृष्टीने ही डिजिटल लॅब डिझाईन करण्यात आली आहे. शिक्षणाचा रोचक अनुभव विद्यार्थ्यांना प्रदान करून आणि सांघिक भावना, समस्या निवारण कौशल्ये आणि समीक्षात्मक विचार यासारखी कौशल्ये त्यांच्यामध्ये विकसित करून विज्ञान, तंत्रज्ञान, अभियांत्रिकी व गणित या विषयांमध्ये शिक्षण व रोजगाराच्या संधींमध्ये सुधारणा करवून आणणे हा या उपक्रमाचा उद्देश आहे.वोडाफोन आयडिया लिमिटेडचे चीफ रेग्युलेटरी आणि कॉर्पोरेट अफेयर्स ऑफिसर व वी फाऊंडेशनचे डायरेक्टर श्री. पी बालाजी यांनी या उपक्रमाबाबत सांगितले, "समाजाच्या कल्याणासाठी तंत्रज्ञानाचा उपयोग करणे हा आमच्या सामाजिक विकास उपक्रमांचा केंद्रबिंदू आहे. पुण्यामध्ये सुरु करण्यात आलेली आमची डिजिटल लॅब शालेय मुलांना कोडिंग आणि रोबोटिक्सचा अनुभव मिळवून देईल, त्यांच्यामध्ये सर्जनशीलता, समीक्षात्मक विचार यांना प्रोत्साहन देईल, त्यांच्या व देशाच्या उज्वल भवितव्याकडे घेऊन जाणारे, संधींचे खूप विशाल विश्व त्यांच्यासमोर खुले करेल."सोयीसुविधांपासून वंचित असलेल्या विद्यार्थ्यांना शिकण्याची, प्रगती करण्याची आणि इतरांसोबत स्पर्धा करण्याची संधी देण्याच्या उद्देशाने जिज्ञासा, गुरुशाला आणि विद्यार्थी शिष्यवृत्ती कार्यक्रम असे तंत्रज्ञानावर आधारित वेगवेगळे शिक्षण उपक्रम वी फाऊंडेशनकडून चालवले जातात.एरिक्सनचे व्हाईस प्रेसिडेंट, सेल्स, वेस्ट इंडिया अमरजीत सिंह यांनी सांगितले, "भारतामध्ये ५जी सेवांची सुरुवात करून डिजिटल इंडिया व्हिजन साकार करण्याचा पाया घातला गेला आहे. भविष्यासाठी तयार मनुष्यबळ निर्माण करण्यात गुंतवणूक करणे हे महत्त्वाचे पहिले पाऊल आहे.रोबोटिक्स कोर्स अभ्यासक्रमामध्ये रोबोटिक्सच्या संदर्भात प्रोग्रामिंग लॉजिकची मूलभूत समज निर्माण करणे, मूलभूत कामे करण्यासाठी रोबोट तयार करण्यासाठी डिझाईन थिअरीचा वापर, स्ट्रिंग, बूलेन्स इत्यादी विविध डेटाटाईप्सचा वापर या घटकांवर लक्ष केंद्रित केले जाईल. त्यासाठी विद्यार्थ्यांसोबत प्रत्यक्ष समोरासमोर तसेच व्हर्च्युअल प्रशिक्षण सत्रे आयोजित केली जातील. ‘ट्रेन द ट्रेनर’ अर्थात शिक्षकांना प्रशिक्षण देण्याच्या सर्वसमावेशक प्रोग्राममुळे भविष्यात हे लाभ समाजातील खूप मोठ्या वर्गापर्यंत पोहोचवण्यात मदत होईल.वोडाफोन आयडिया फाऊंडेशनचे शिक्षण व साक्षरता कार्यक्रम: वोडाफोन आयडिया फाऊंडेशनने जिज्ञासा, गुरुशाला आणि शिक्षक व विद्यार्थ्यांसाठी शिष्यवृत्ती यासारख्या अभिनव तंत्रज्ञानाने परिपूर्ण उपक्रमांमार्फत १.६ मिलियनपेक्षा जास्त मुलांवर सकारात्मक प्रभाव निर्माण केला आहे.
पुणे- "धर्मो रक्षति रक्षितः" असे म्हणण्याची आपल्याकडे परंपरा आहे. याचा अर्थ तुम्ही धर्माचे रक्षण करा म्हणजे धर्म तुमचे रक्षण करील, असा होतो. या वाक्यातील धर्म शब्द काढून संविधान टाकला की "संविधानाचे रक्षण करा म्हणजे संविधान तुमचं रक्षण करील," असा अर्थ होतो. त्यामुळे संविधानाचे रक्षण हे सर्वांचे कर्तव्य आहे, असे प्रतिपादन अॅड. सदानंद फडके यांनी गुरुवारी केले.
पुणे(प्रतिनिधि)-जिविका हेल्थकेअरच्या भारतातील वंचित समुदायांना सेवा देण्यासाठी समर्पित असलेल्या मोबाइल व्हॅन-आधारित लसीकरण क्लिनिक व्हॅक्सीन ऑनव्हील्सने ऑन-ग्राउंड गोवर आणि नियमित लसीकरण कार्यक्रमासाठी पुणे महानगरपालिकेसोबत भागीदारीची घोषणा केली. ही भागीदारी सार्वजनिक खासगी भागीदारी (पीपीपी) आधारावर करण्यात आली असून जिविका हेल्थकेअर आणि पीएमसी एकत्रितपणे समुदायांजवळ लसीकरण बूथ उभारून मुलांचे लसीकरण करणार असून लसीकरणाची व्याप्ती वाढविणे हा त्याचा अंतिम उद्देश...
पुणे -“प्रजासत्ताक दिना”च्या पुर्व संध्येस… देशातील न्याय व्यवस्थेच्या स्वायत्ततेच्या समर्थनार्थ व रक्षणार्थ मुक निदर्शने, लाक्षणिक आंदोलन राजीव गांधी स्मारक समितीची तर्फे करण्यात आले.या प्रसंगी राजीव गांधी स्मारक समितीचे संस्थापक अध्यक्ष व काँग्रेस राज्य प्रवक्ते गोपाळदादा तिवारी, महाराष्ट्र प्रदेश काँग्रेस लिगल सेल उपाध्य ॲड शाहीद अख्तर, ॲड संदीप ताम्हणकर, ॲड मोहनराव वाडेकर, ...
जामनेर- आठ राज्यात ११ हजार तांड्यावर प्रत्यक्ष संपर्क करून ३ हजार तांड्यावर ख्रिस्ती मिशनरीकडून बंजारा बांधवांचे धर्मांतर झाले आहे. त्या सर्व बांधवांना पुन्हा सनातन हिंदू धर्मात परत आणणार आहोत. हिंदू गोर बंजारा व लबाना नायकडा समाज जागृत करण्यासाठी व समाजाला दिशा देण्यासाठी कुंभ आयोजित पू. संत बाबूसिंगजी महाराज यांनी सांगितले. धर्म सभेत मार्गदर्शन करतांना ते बोलत...
पुणे--महाविकास आघाडी सरकारच्या अडीच वर्षांच्या कालावधीत माझ्यावर केसेस टाकण्याचा, फौजदारी गुन्हे दाखल करण्याचा, मला तुरुंगात टाकण्याचे टार्गेट मुंबईचे तत्कालीन पोलीस आयुक्त संजय पांडेंना देण्यात आले होते या उपमुख्यमंत्री देवेंद्र फडणवीस यांच्या आरोपांचे खासदार सुप्रिया सुळे यांनी खंडन केले आहे. ‘देवेंद्रजी, आपसे ये उम्मीद न थी’, असा टोला लगावतानाच सुळे म्हणाल्या, अशा खोट्या नाट्या गोष्टी पसरवण्यापेक्षा पुण्यात...
