पुणे: संशयित कोविड-१९च्या रुग्णांच्या चाचण्या करणाऱ्या पुण्यातील खासगी पॅथॅलॉजी लॅब आता पुणे महापालिकेच्या रडारवर आल्या आहेत. खासगी पॅथॅलॉजी लॅबमध्ये संशयित कोविड-१९च्या रुग्णांच्या चाचण्या केल्यानंतर पॉझीटीव्ह अहवाल येण्याचे प्रमाण हे सरकारी लॅबपेक्षा जवळ जवळ १५ टक्के जास्त असल्याचे निदर्शनास आल्याने महापालिका प्रशासनाने या खासगी लॅबची पडताळणी करण्याचे ठरवले असून त्यामध्ये त्यांची चाचणी करण्याची पद्धती नक्की कशी आहे आणि पॉझीटीव्ह अहवाल येण्याचे प्रमाण जास्त का आहे याचे पडताळणी केली जाणार आहे.
खासगी लॅबमध्ये दररोज सुमारे अकरा हजार चाचण्या घेतल्या जातात, त्या तुलनेत नागरी आणि सरकारी लॅबमध्ये सुमारे तीन हजार चाचण्या घेतल्या जातात. पुणे महापालिकेच्या आकडेवारीनुसार सरकारी लॅबमध्ये केल्या जाणाऱ्या कोरोना चाचण्यांच्या पॉझीटीव्ह अहवालाची टक्केवारी सुमारे 25% आहे तर खासगी लॅबमध्ये ही टक्केवारी सुमारे 40% आहे.
पुन शहराच्या नागरी भागात एकूण 26 मोठी चाचणी केंद्रे कार्यरत आहेत. त्यात 24 खासगी लॅबचा समावेश आहे. सरकारने चालवलेल्या दोन चाचण्या केंद्रांमध्ये एनआयव्ही आणि ससून रुग्णालयांचा समावेश आहे. या सुविधा आरटी-पीसीआर चाचण्या घेत आहेत.
दरम्यान, आम्ही शहरातील सर्व आघाडीच्या प्रयोगशाळांना बैठकीसाठी आमंत्रित केले होते. ते घेत असलेल्या चाचण्यांबद्दलचा डेटा त्यांच्याकडून घेण्यात आला. अगदी ते वापरत असलेल्या चाचणी किटबद्दलही माहिती तपासली गेली. चाचण्यांसाठी वापरलेले मानकांची पडताळणी आणि एसओपी देखील करण्यात आले असे, पुणे महानगरपालिकेच्या आरोग्य विभागाचे वरिष्ठ अधिकारी संजीव वावरे यांनी सांगितले.
औरंगाबाद महानगरपालिकेने (एएमसी) खासगी रुग्णालयांना चाचण्या न करण्याचे निर्देश दिले आहेत. या प्रयोगशाळांबाबत तक्रारी आल्यानंतर हा निर्णय घेण्यात आला आहे. पीएमसी त्याच धर्तीवर कारवाई करणार का याबाबत बोलताना वावरे म्हणाले की, सर्व खासगी लॅबवर बंदी घालणे हा पर्याय नाही. परंतु तक्रारींमधील प्रकरणांची सत्यता लक्षात घेऊन त्या प्रकरणात विशिष्ट कारवाई केली जाऊ शकते. “दररोज चाचणी घेण्याची मागणी खूप जास्त आहे. त्यामुळे फक्त सरकारच्या प्रयोगशाळांना हाताळणे शक्य होणार नाही,” असे वावरे म्हणाले.
पुणे महापालिकेच्या अधिकाऱ्यांनी सांगितले की महापालिका भागात सरासरी सुमारे 14,000 चाचण्या घेतल्या जातात. देशातील शहरी भागासाठीची ही सर्वाधिक संख्या आहे. पुणे महापालिकेच्या अधिकार्यांनी नागरिकांना चाचणी करण्याचे आवाहन केले आहे. जरी सौम्य लक्षणे दिसली किंवा ती व्यक्ती लक्षणविरहित असेल तरीही चाचण्या केल्या पाहिजेत असे त्यांनी सांगितले.
