प्रसिद्ध उद्योजक गौतम पाषाणकर यांच्यावर फसवणुकीचा गुन्हा दाखल

क्राईम पुणे-मुंबई
Spread the love

पुणे—मध्यंतरी गायब झालेले पुण्यातील प्रसिद्ध उद्योजक गौतम पाषाणकर यांच्यासह दोघांवर दोन फ्लॅट ग्राहकांना विकले असतानाही त्यावर परस्पर बँकेकडून २ कोटी रुपयांचे कर्ज काढून फसवणूक केल्याप्रकरणी फसवणुकीचा गुन्हा दाखल करण्यात आला आहे.

गौतम विश्वानंद पाषाणकर (रा. सेनापती बापट रोड), मंगेश अनंतराव गोळे (रा. हरीगंगा सोसायटी, येरवडा) अशी गुन्हा दाखल झालेल्यांची नावे आहेत.

याप्रकरणी महिपालसिंह विजयसिंह ठाकोर (वय ६१, रा. वडनेर, ता. मालेगाव, नाशिक) यांनी चंदननगर पोलिसांकडे फिर्याद दिली आहे. याबाबत पोलिसांनी दिलेली माहिती अशी की, गौतम पाषाणकर व मंगेश गोळे हे प्रॉक्सिमा क्रिएशनचे भागीदार आहेत. त्यांनी खराडी येथील यिनयांग प्रोजेक्ट येथील बिल्डिंग सी मधील फ्लॅट नंबर ९०२ हा ठाकोर यांनी १ कोटी ५६ लाख ६३ हजार ९८७ रुपयांना २०१५ मध्ये खरेदी केला होता. पाषाणकर व गोळे यांनी आश्वासन दिल्याप्रमाणे फ्लॅटचा ताबा दिला नाही.

तसेच महिंदर परसराम मनसे (रा. गिता सोसायटी, कॅम्प) यांनी फ्लॅट सी ८०२ हा ८१ लाख ९० हजार रुपयांना खरेदी केला होता. या दोघांनाही फ्लॅटचा ताबा देण्यापूर्वी त्यांच्यावर व्यंकटेश नागरी सहकारी पतसंस्था, सांगली यांच्याकडून २ कोटी रुपये कर्ज काढून फिर्यादी यांची आर्थिक फसवणूक केली आहे.

खराडी येथील या प्रकल्पातील याच सी बिल्डिंगमधील पी १०१ व १०२ हे फ्लॅटबाबत नरेंद्र पाटील यांची फसवणूक केल्याप्रकरणी चार दिवसांपूर्वी शिवाजीनगर पोलीस ठाण्यात उद्योजक गौतम पाषाणकर यांच्यासह तिघांवर शिवाजीनगर पोलिसांनी २ कोटी ४० लाख रुपयांची फसवणूक केल्याप्रकरणी गुन्हा दाखल केला आहे.

50% LikesVS
50% Dislikes

Spread the love

Leave a Reply

Your email address will not be published. Required fields are marked *