दारु पिऊन गाडी चालवल्यास गाडी चालवण्याचा परवाना कायमचा रद्द होणार : पुणे पोलिसांचा निर्णय

दारु पिऊन गाडी चालवल्यास गाडी चालवण्याचा परवाना कायमचा रद्द होणार
दारु पिऊन गाडी चालवल्यास गाडी चालवण्याचा परवाना कायमचा रद्द होणार

पुणे(प्रतिनिधि)—राज्यात आणि पुणे शहरात ‘ड्रंक अँड ड्राईव्ह’च्या घटनांमध्ये झालेली वाढ आणि त्यामुळे होणाऱ्या अपघातांमध्ये जाणारे निष्पापांचे बळी ही पोलिसांपुढील डोकेदुखी ठरली आहे. त्या पार्श्वभूमीवर पुणे पोलिसांनी मोठा निर्णय घेतला असून दारु पिऊन गाडी चालवल्यास परवाना रद्द करण्याचा निर्णय पुणे पोलिसांनी घेतला आहे. पुणे पोलिसांच्या या निर्णयामुळे पुण्यात दारु पिऊन गाडी चालवल्यास गाडी चालवण्याचा परवाना रद्द केला जाणार आहे

दरम्यान, पुण्यात वाढणाऱ्या ड्रंक अँड ड्राईव्ह घटनांना आळा घालण्यासाठी पोलिसांकडून कठोर पावलं उचलायला सुरुवात झाली आहे. पुण्यात गेल्या सहा महिन्यात १६८४ जणांवर ड्रंक अँड ड्राईव्ह प्रकरणी गुन्हे दाखल करण्यात आले आहेत. यापूर्वी दारू पिऊन वाहन चालवणाऱ्यांवर फक्त खटले दाखल करून कारवाई केली जात होती.

अधिक वाचा  मैलापाणी शुद्धीकरणासाठी अमित राऊत यांच्या कल्पनेतून साकारलेल्या प्रकल्पाचे राज ठाकरेंकडून कौतुक

मात्र यापुढे जर आता कोणी चालक दारू पिऊन गाडी चालवताना आढळून आला तर पहिल्यांदा त्याचे वाहन चालवण्याचा परवाना (ड्रायव्हिंग लायसन्स) तीन महिन्यांसाठी रद्द केले जाईल. त्याच व्यक्तीने जर पुन्हा गुन्हा केला तर सहा महिन्यापर्यंत त्याचा परवाना रद्द करण्यात येईल. मात्र तिसऱ्या वेळीही पुन्हा तीच व्यक्ती आढळून आली तेव्हा मात्र त्याचा वाहन चालवण्याचा परवाना  (ड्रायव्हिंग लायसन्स) कायमस्वरूपी रद्द होणार अशी माहिती पुणे पोलीस उपायुक्त रोहिदास पवार यांनी दिली आहे.

पुण्यातील बहुचर्चित कल्याणीनगर कार अपघात प्रकरणाने देशात एकच संताप उसळला होता. आरोपीला वाचविण्यासाठी सर्वच यंत्रणा कामाला लागल्याचे सुरुवातीला दिसून आले होते. जनक्षोभ वाढताच त्याच यंत्रणांचा सूर आणि नूर पालटला. त्यानंतर या रविवारी पुण्यातील बोपोडीत हिट अँड रन प्रकरण घडले. फरसखाना ठाण्याच्या सहाय्यक पोलिस निरीक्षकांना काही मद्यपींनी पेटवून दिल्याचे प्रकरण ताजे असताना आता पोलिसांनी याप्रकाराला आळा घालण्यासाठी मोठा निर्णय घेतला आहे.

50% LikesVS
50% Dislikes

Spread the love