भाजपा नेते गिरीश महाजन यांच्यावर पुण्यात खंडणीचा गुन्हा दाखल


पुणे(प्रतिनिधी):- जळगाव जिल्हा मराठा विद्या प्रसारक मंडळाच्या संचालकाला  काल रात्री भाजप नेते आणि माजी मंत्री  गिरीश महाजन यांनी  डांबून ठेवून मारहाण केली. तसेच त्यांच्याकडे पाच कोटींची खंडणी मागितल्या प्रकरणी कोथरूड पोलीस ठाण्यात गुन्हा दाखल करण्यात आला आहे. याबाबत पोलीस अधिक तपास करत आहेत. 


जळगाव जिल्हा मराठा विद्या प्रसारक मंडळाच्या संचालक मंडळामध्ये वाद आहेत. त्यावरून काल रात्री हा प्रकार घडल्याचे सांगण्यात येत आहे. पाच वर्षांपूर्वी संचालक मंडळाच्या झालेल्या निवडणुकीत तानाजी भोईटे यांच्या गटाला नरेंद्र भास्कर पाटील यांनी निवडणुकीत पायउतार केल्यानंतरही भोईटे गट संस्थेवर ताबा सांगत असून दोन्ही गटांमध्ये आजवर अनेकदा संघर्ष झालेला आहे. मध्यल्या काळात भोईटे गटाला महाजन यांचा पाठींबा असल्याची चर्चा होती. याच अनुषंगाने दिवंगत नरेंद्र पाटील यांचे बंधू अ‍ॅड. विजय भास्कर पाटील यांनी निंभोरा पोलीस स्थानकात तक्रार दाखल केली आहे. या संस्थेचा ताबा मिळवण्यासाठी भोईटे गटाने विजय पाटील यांना पुण्यात बोलावून चाकुचा धाक दाखवत मारहाण केली. तसेच याचवेळी व्हिडिओ कॉलवरुन माजी मंत्री गिरीश महाजन यांनी एका कोटी रुपयांची ऑफर दिली. जानेवारी 2018 मध्ये घडलेल्या घटनेप्रकरणी 8 डिसेंबर 2020 रोजी निंभोरा पोलिस ठाण्यात गिरीष महाजन यांच्यासह भोईटे गटातील सदस्यांवर गुन्हा दाखल करण्यात आला आहे. त्यानंतर काल रात्री पुन्हा एकदा महाजन यांच्याविरोधात गुन्हा दाखल झाल्याने महाजन यांच्या अडचणीत वाढ झाली आहे. 

अधिक वाचा  चंद्रकांत पाटील यांच्या विरोधात सोशल मीडियावरील कथित अश्लील वक्तव्यांप्रकरणी रिलस्टार संतोष पंडित यांना अटक
ReplyForward
50% LikesVS
50% Dislikes

Spread the love