पुणे(प्रतिनिधि): एमआयटी वर्ल्ड पीस युनिव्हर्सिटी, पुणे आणि एमआयटी स्कूल ऑफ गव्हर्नमेंट यांच्या संयुक्त विद्यमाने तीन दिवसीय १४वीं ‘भारतीय छात्र संसद’ दि.८ ते १० फेब्रुवारी रोजी विवेकानंद सभामंडप, एमआयटी वर्ल्ड पीस युनिव्हर्सिटी, कोथरूड, पुणे येथे होणार आहे. अशी माहिती एमआयटी डब्ल्यूपीयूचे कुलगुरू डॉ. आर.एम.चिटणीस यांनी पत्रकार परिषदेत दिली.
यावेळी विद्यापीठाचे प्र कुलगुरू डॉ. मिलिंद पांडे, प्रा. डॉ. परिमल माया सुधाकर, हितेश जोशी, एमआयटी डब्ल्यूपीयूच्या स्टूडेन्ट कॉन्सिलचे अध्यक्ष पृथ्वीराज शिंदे, उपाध्यक्ष कु. अपूर्वा भेगडे व नितीश तिवारी उपस्थित होते.
१४ व्या भारतीय छात्र संसदेचे उद्घाटन, शनिवार, दि.८ फेब्रुवारी २०२५ रोजी सकाळी १०.३० वा. होईल. केंद्रीय कामगार आणि रोजगार, युवा व्यवहार आणि क्रीडा मंत्री डॉ. मनसुख मांडवीय व सीएमओ बीओएटीचे सह संस्थापक अमन गुप्ता हे सन्माननीय पाहुणे म्हणून उपस्थित राहणार आहेत.
या प्रसंगी उत्तर प्रदेश विधानसभेचे सभापती सतीश महाना यांना आदर्श विधानसभा सभापती पुरस्काराने सन्मानीत करण्यात येणार आहे.
तसेच सोमवार, १० फेब्रुवारी २०२५ रोजी दुपारी ११.४५ वा. होणार्या समारोप प्रसंगी महाराष्ट्राचे मुख्यमंत्री देवेंद्र फडणवीस, राज्याचे क्रीडा आणि युवा कल्याण मंत्री दत्तात्रय भरणे, महाराष्ट्र विधान परिषदेचे अध्यक्ष प्रा. राम शिंदे, मध्यप्रदेश विधानसभेचे सभापती नरेंद्र सिंह तोमर हे उपस्थित राहणार आहेत.
छात्र संसदेच्या उद्घाटन व समारोप समारंभाखेरीज या छात्र संसदेमध्ये ४ सत्रे आयोजित केली गेली आहेत. संसदेतील सत्रे खालीलप्रमाणे :
सत्र १ : भारतीय राजकारणाची विचारधारा डावीकडे, उजवीकडे की नजरेच्या बाहेर.
सत्र २ : रेवडी संस्कृती- एक आर्थिक भार किंवा आवश्यक आधार
सत्र ३ : भारतीय संस्कृती की पाश्चात्य ग्लॅमर : भारतीय युवकांची कोंडी
सत्र ४ : एआय आणि सोशल मिडिया : सामर्थ्य की अनपेक्षित संकट
याशिवाय लोकशाहीचा रंगमंच व विशेष ‘युथ टू युथ कनेक्ट’ सत्रांचेही आयोजन केले गेले आहे.
तीन दिवस चालणार्या छात्र संसदेत बिहार विधान परिषदचे अध्यक्ष अवधेश नारायण सिंह, एनएसयूआयचे प्रभारी डॉ. कन्हैया कुमार, माजी मंत्री नवज्योत सिंग सिद्धू, खासदार राजकुमार रौत, बिहारचे उपमुख्यमंत्री विजय कुमार सिन्हा, झारखंड विधानसभेचे सभापती रवींद्र नाथ महातो, कॉग्रेसचे मीडिया आणि प्रसिद्धी विभागाचे अध्यक्ष पवन खेरा, भाजपाचे राष्ट्रीय सरचिटणीस तरूण चुघ, खासदार रणजीत रंजन, संरक्षण राज्यमंत्री संजय सेठ, बिहार विधानसभेचे अध्यक्ष नंद किशोर यादव, लोकसभा सदस्य अरुण गोविल, प्रसिद्ध अभिनेत्री खुशबू सुंदर, मेघालय विधानसभेचे सभापती थॉमस ए. संगमा, तेलंगणाचे आमदार के.टी.रामाराव, माजी केंद्रीय मंत्री राजीव चंद्रशेखर, मध्य प्रदेशचे माजी मुख्यमंत्री दिग्वीजय सिंग, केंद्रीय मंत्री ज्योतिरादित्य सिंधिया आणि खासदार विवेक ठाकूर, सहकार आणि नागरी विमान वाहतूक राज्यमंत्री मुरलीधर मोहोळ, महाराष्ट्र विधानसभेचे सभापती अॅड. राहुल नार्वेकर, राज्याचे उच्च आणि तंत्रशिक्षण, संसदीय कामकाम मंत्री चंद्रकांत पाटील, लोकसभेचे माजी सभापती पद्मभूषण सुमित्रा महाजन यांच्यासह राजकीय, सामाजिक, प्रसारमाध्यमे, अभिनय व उद्योग क्षेत्रातील अनेक दिग्गज मान्यवर तीन दिवस चालणार्या या १४व्या भारतीय छात्र संसदेमध्ये युवक श्रोत्यांना संबोधित करणार आहेत.
जगविख्यात शास्त्रज्ञ पद्मविभूषण डॉ. रघुनाथ माशेलकर, तुषार गांधी, प्रा.डॉ. विश्वनाथ दा. कराड, अनू आगा, अभय फिरोदिया, लोबसांग सांग्ये, मार्क टूली, जस्टिस एन. संतोष हेगडे, डॉ. विजय भटकर आणि नानीक रुपानी हे या छात्रसंसदेचे मार्गदर्शक आहेत.
एमआयटी वर्ल्ड पीस युनिव्हर्सिटीचे कार्याध्यक्ष डॉ.राहुल विश्वनाथ कराड हे या छात्र संसदेचे संस्थापक आहेत.
केंद्रीय क्रीडा व युवक कल्याण मंत्रालय, महाराष्ट्र राज्याचे उच्च व तंत्रशिक्षण मंत्रालय, महाराष्ट्र राज्याचे क्रीडा व युवा कल्याण मंत्रालय आणि मानवाधिकार, लोकशाही, शांतता आणि सहिष्णुतासाठीचे युनेस्को अध्यासन यांच्या सहकार्याने ही छात्र संसद होत आहे.
नॅशनल टीचर्स काँग्रेस फाउंडेशन, नॅशनल विमेन्स पार्लमेंट, सरपंच संसद आणि भारत अस्मिता राष्ट्रीय पुरस्कार, असोशिएशन ऑफ इंडियन युनिव्हर्सिटीज आणि यांच्या सहकार्याने ही संसद भरविण्यात येणार असून अनेक राष्ट्रीय संस्थांनीही या संसदेला पाठिंबा दिला आहे.
सविस्तर माहितीसाठी www.bharatiyachhatrasansad.org या संकेतस्थळांना भेट द्यावी. तसेच जास्तीत जास्त विद्यार्थ्यांनी यात सहभाग नोंदवावे.
आमदारांसाठी ‘नेतृत्व क्षमता संवर्धन कार्यक्रम’
एमआयटी वर्ल्ड पीस युनिव्हर्सिटीच्या वतिने आमदारांकरीता ‘नेतृत्व क्षमता संवर्धन कार्यक्रम’ ८ व ९ फेब्रुवारी दरम्यान कोथरूड येथील डब्ल्यूपीयूच्या संत श्री ज्ञानेश्वर हॉल में होणार आहे. या परिषदेत देशातील जवळपास २५० आमदारांनी उपस्थित राहण्याची संमती दर्शविली आहे. या वर्षी आयोजित नेतृत्व क्षमता संर्वधन कार्यक्रमात’ सहभागी सर्व आमदार हे भारतीय छात्र संसद मध्ये सहभागी विद्यार्थ्यांशी संवाद साधून त्यांच्याशी चर्चा करणार आहेत.
येथे आमदारांसाठी सुद्धा विशेष ३ सत्रांचे आयोजन करण्यात आले आहे. यामध्ये
सत्र १ : रोजगाराचे मार्ग मतदारसंघात निर्मिती
सत्र २ : कायदेकर्त्या आणि नोकरशहाः विकासाचे एजंट
सत्र ३ : धोरणात्मक संवादः सोशल मीडियाचा प्रभावी वापर
