पुणे (प्रतिनिधि)–उद्धव ठाकरे [Uddhav Thackeray] यांनी भेटायला बोलावल्यास आपण त्यांना भेटायला नक्कीच जाऊ, असे मोठे विधान सामाजिक न्यायमंत्री आणि शिवसेना शिंदे गटाचे नेते संजय शिरसाट [Sanjay Shirsat] यांनी केले. मात्र, या भेटीचा अर्थ राजकीय दृष्ट्या काढू नये, असे स्पष्टीकरणही त्यांनी लगेच दिले. दरम्यान, राज ठाकरे [Raj Thackeray] आणि उद्धव ठाकरे [Uddhav Thackeray] यांच्या संभाव्य एकत्र येण्याबद्दल सुरू असलेल्या चर्चांबाबत, संजय शिरसाट [Sanjay Shirsat] यांनी “आमच्या शुभेच्छा आहेत” अशी सूचक प्रतिक्रिया दिली.
पुण्यामध्ये ते माध्यम प्रतिनिधींशी बोलत होते. पुण्यातील बालगंधर्व रंगमंदिर [Balgandharva Rangmandir] येथे ज्येष्ठ नागरिकांचा मेळावा आयोजित करण्यात आला होता. या कार्यक्रमाला राज्याचे सामाजिक न्यायमंत्री संजय शिरसाट [Sanjay Shirsat] हे प्रमुख पाहुणे म्हणून उपस्थित होते. या कार्यक्रमात मी नावानं बदनाम झालो, असं संजय शिरसाट [Sanjay Shirsat] यांनी म्हटलं होतं. याबाबत त्यांना विचारलं असता, “शिवसेना [Shiv Sena] उठावानंतर संजय शिरसाटनं [Sanjay Shirsat] महाविकास आघाडीला [Mahavikas Aghadi] अंगावर घेतलं आणि त्यानंतर संजय शिरसाटला [Sanjay Shirsat] टार्गेट केलं गेलं आणि राजकारणात ज्यांना अंगावर घेण्याची ताकद असते, हे मी आजच्या कार्यक्रमात सांगत होतो,” असं संजय शिरसाट [Sanjay Shirsat] यांनी सांगितलं.
आगामी स्थानिक स्वराज्य संस्थांच्या निवडणुका [Local Body Elections] लक्षात घेता, या चर्चांना विशेष महत्त्व प्राप्त झाले आहे. शिरसाट [Shirsat] म्हणाले, राजकारणामध्ये कोणी एकत्र येऊ नये अशी आमची कोणतीही भावना नाही. ते म्हणाले की, राजकारणाच्या पलीकडेही काही नाती जपली जातात. राज ठाकरे [Raj Thackeray] यांच्या घरी आपण यापूर्वी गेलो होतो,असे सांगत, उद्धव ठाकरे [Uddhav Thackeray] यांनी बोलावल्यास आपण त्यांनाही भेटायला जाऊ शकतो असे त्यांनी नमूद केले. याच संदर्भात, राज ठाकरे [Raj Thackeray] हे मुख्यमंत्री देवेंद्र फडणवीस [Devendra Fadnavis] आणि उपमुख्यमंत्री एकनाथ शिंदे [Eknath Shinde] यांनाही भेटतात, याचा अर्थ कोणीही वेगळा काढू नये, तसेच शरद पवार [Sharad Pawar] आणि अजित पवार [Ajit Pawar] भेटत नाहीत का, असा सवालही त्यांनी उपस्थित केला.
आदित्य ठाकरेंना वाढदिवसाच्या शुभेच्छा आणि सल्ला
युवासेना प्रमुख आदित्य ठाकरे [Aaditya Thackeray] यांना त्यांच्या वाढदिवसानिमित्त शुभेच्छा दिल्या. ते म्हणाले, “पोरांनी चांगले राहावे, चांगले वागावे, चांगले बोलावे आणि लवकर लग्न करावे”. तसेच, वडिलांना (उद्धव ठाकरे) [Uddhav Thackeray] त्रास होणार नाही याची काळजी घ्यावी, असा सल्लाही त्यांनी दिला. “भविष्यात आदित्य ठाकरे [Aaditya Thackeray] आणखी मोठे नेते व्हावेत, ही आमची त्यांना मनापासून शुभेच्छा आहे,” असे शिरसाट [Shirsat] यांनी नमूद केले.
अजित पवारांकडून तातडीने निधी मिळाल्याचा खुलासा
याव्यतिरिक्त, सामाजिक न्याय विभागाला [Social Justice Department] निधी मिळत नसल्याबद्दल उपमुख्यमंत्री आणि अर्थमंत्री अजित पवार [Ajit Pawar] यांच्यावर उघडपणे नाराजी व्यक्त केल्याच्या चर्चेवरही संजय शिरसाट [Sanjay Shirsat] यांनी खुलासा केला. त्यांनी सांगितले की, मागील मंगळवारी त्यांची अजित पवारांशी [Ajit Pawar] भेट झाली आणि या भेटीत दोघांमध्ये चांगली चर्चा झाली. अजित पवारांनी [Ajit Pawar] त्यांना तातडीने निधी दिला असल्याचेही शिरसाट [Shirsat] यांनी यावेळी नमूद केले. निधी वाटपावरून महायुतीमध्ये [Mahayuti] धुसफूस असल्याची चर्चा याआधी राजकीय वर्तुळात महिनाभरापासून रंगली होती.
झारीतले शुक्राचार्य मला माहिती आहे
छत्रपती संभाजीनगर [Chhatrapati Sambhajinagar] येथील एमआयडीसीतील [MIDC] भुखंड गैरव्यवहार प्रकरणात माजी खासदार इम्तियाज जलील [Imtiaz Jaleel] यांच्या आरोपांवर शिरसाठ [Shirsath] म्हणाले, मला त्या माणसाबद्दल बोलायचे नाही. असे आरोप करणारे फार काळ टिकत नाही. यामागचा बोलविता धनी कोण आहे याची मला कल्पना आहे. झारीतले शुक्राचार्य [Jharitle Shukracharya] मला चांगले ठाऊक आहेत. त्यामुळे संपुर्ण पुरावे आणि ताकदीनिशी खुलासा करणार असल्याचे शिरसाठ [Shirsath] यांनी स्पष्ट केले.
