पुणे(प्रतिनिधी)- टेनीकॉईट (रिंग टेनिस) असोसिएशन, महाराष्ट्र या संघटनेच्या सर्वसाधारण सभेत अध्यक्षपदी माजी आमदार मोहन जोशी आणि महासचिवपदी अनिल वरपे यांची एकमताने फेरनिवड करण्यात आली. संघटनेची सर्वसाधारण सभा नुकतीच पुण्यात झाली. या सभेत अध्यक्ष, महासचिव यांच्यासह पदाधिकारी आणि कार्यकारीणी निवडण्यात आली.त्यात कार्याध्यक्ष – सौ.राजश्री हेमंत पाटील (नांदेड), वरीष्ठ उपाध्यक्ष प्रा.डॉ.अभिजीत वर्णिले (कोल्हापूर), खजिनदार – ॲड.बांडेबुचे (भंडारा), उपाध्यक्ष – संजय शिंदे (वाशिम), बिभीषण पाटील (धाराशिव), सहसचिव – शरद वाबळे (मुंबई उपनगर), प्रा.डॉ. मयुर ठाकरे (नंदुरबार), डॉ.संदीप जगताप (छत्रपती संभाजीनगर), सहखजिनदार – चंद्रकांत पिंपळे (पुणे), कार्यकारीणी सदस्य: अशोक ठोकळ (अकोला), पी.जे.चांद (जालना), स्नेहा खोंड (नागपूर), प्रा.बाबासाहेब गायकवाड (अहिल्या नगर) यांचा समावेश आहे.
टेनीकॉईट फेडरेशन ऑफ इंडिया चे जनरल सेक्रेटरी एम.आर.दिनेश कुमार (पॉंडेचेरी) सभेत निरीक्षक म्हणून उपस्थित होते. त्यांनी नूतन पदाधिकारी आणि कार्यकारीणीला शुभेच्छा दिल्या. या सभेत टेनीकॉईट (रिंग टेनिस) खेळाचा वार्षिक कार्यक्रम ठरविण्यात आला.
रिंग टेनिस हा खेळ गावपातळीपर्यंत पोहोचविण्याचा आणि या खेळातील खेळाडुंच्या भवितव्यासाठी शासनाकडे पाठपुरावा करण्याचा मनोदय माजी आमदार मोहन जोशी यांनी व्यक्त केला.
