पुणे- एमआयटी वर्ल्ड पीस युनिव्हर्सिटीच्या स्कूल ऑफ इलेक्ट्रिकल इंजिनिअरिंग व महाराष्ट्र स्टेट इलेक्ट्रिसिटी डिस्ट्रीब्यूशन कंपनी लिमिटेड (एमएसईडीसीएल) सोबत ऊर्जा क्षेत्राशी संबंधीत विविध उद्योग आणि शैक्षणिक क्रियाकल्पांसाठी सामंजस्य करार करण्यात आला. या करारावर डब्ल्यूपीयूच्या अभियांत्रिकी आणि तंत्रज्ञान विभागाचे अधिष्ठाता डॉ. प्रसाद खांडेकर व गणेशखिंड नागरी परिमंडळ येथेली महावितरणाचे अधीक्षक अभियंता सतीश राजदीप यांनी स्वाक्षरी केल्या.
या बहुविद्याशाखीय सामंजस्य करारामुळे विद्यार्थ्यांना आणि प्राध्यापकांना ऊर्जा क्षेत्रातील नवीनतम ट्रेंड जाणून घेण्यास फायदा होईल. या सहकार्याचा उद्देश त्यांना भविष्यासाठी तयार करणे आहे. हा सामंजस्य करार कर्मचार्‍यांची तांत्रिक कौशल्य सुधारेल आणि ऊर्जा उद्योगाशी संबंधित कौशल्यांमधील अंतर भरून काढेल. सामंजस्य कराराचा एक भाग म्हणून एमआयटी डब्ल्यूपीयू विभाग महावितरणाच्या कर्मचार्‍यांना आवश्यकतेनुसार प्रशिक्षण ही देतील.
डॉ. प्रसाद खांडेकर म्हणाले,“ या परस्पर फायदेशीर उपक्रमामुळे ज्ञानाच्या समृद्ध देवाणघेवाण होईल. विद्यार्थी आणि प्राध्यापकांना नवीनतम उद्योग पद्धतीशी जुळवून घेण्यास आणि सहयोगी संशोधन करण्यास अनुमती मिळेल. हे सहकार्य आम्हाला एक प्रतिभासंचय विकसित करण्यात मदत करेल. ज्यामध्ये एक किनारा असेल व प्रगत ज्ञानाने सुसज्ज असेल व कौशल्यांमधील अंतर कमी होईल. या न्यू जनरेशन युनिव्हर्सिटीचे शैक्षणिक लक्ष संशोधन, नवोन्मेष आणि उद्योजकता यावर आहे. तसेच उद्योग संस्थांमधील अंतर भरून काढण्यासाठी उद्योगासोबत मजबूत संबंध आवश्यक आहेत.”
या वेळेस इलेक्ट्रिकल अभियांत्रिकी विद्यालायाचे प्रमुख आणि एमआयटी डब्ल्यूपीयूचे अ‍ॅकेडेमिक्स डॉ. भरत चौधरी कोथरूड येथील कार्यकारी अभियंता अविनाश काळधोणे, पुणे महावितरणचे उप कार्यकारी अभियंता व प्रशिक्षण समन्वयक डॉ. संतोष पाटणी, डॉ. नेत्रा लोखंडे, प्रा. अंजली पुरी, प्रा. सुप्रिया पायगुडे आदी मान्यवर उपस्थित होते.
